iñiblog

Goazen zozketa batetan parte hartzera

2010-05-05T20:46:00.003+02:00

Azken bolada honetan smartphone bat izatearekin antojaturik nabil, eta berandu baino lehen batenbat izango dudalakoan nago. Honetan nabilela, El Androide Libre blogean Nexus One baten zozketa egiten dutela enteratu naiz eta bertan parte hartzeko blog batetan blog hori estekatzea besterik behar ez denez... hona hemen post hau, jeje. Ea sortea izaten dudan...

Egunkaria libre!

2009-12-06T12:16:00.003+01:00

(Ekimenaren jatorria hemen)

Zer egin jendea GNU/Linux-era erakartzeko?

2009-10-17T12:56:00.005+02:00

Hona hemen estrategia bitxi bat "Palomitas y Maiz"-ek proposaturik, XD:

[WTF!] Zerbait arraroa ikusten al duzu argazkian?

2009-10-14T09:14:00.001+02:00

Ile apaindegi batetan ikusia.

Linuxetik domeinu batetan elkarbanaturiko karpeta batetara konektatu

2009-04-15T19:24:00.006+02:00

Arazoa: Nire portatila lanean daukadala, domeinu barruan elkarbanaturiko karpeta batetara sartu nahi dut. Aurretik konprobatu dut nire erabiltzaileak karpeta horretan sartzeko baimena baduela.

Konponbidea:
- WiFi bitartez (WPA-PEAP) portatila konektatu (domeinuko erabiltzailea eta pasahitza behar da horretarako).
- Fitxategi exploratzailean (nire kasuan Nautilus-en) hurrengo helbidea idatzi ([] tartean dagoena zure kasuetarako aldatu eta tartean ez sartu 'return'-ik):

smb://[domeinua];[domeinuko_erabiltzailea]@[karpeta_dagoen_makinaren_izena].[domeinua]/[elkarbanaturiko_karpeta]

- Egin behar duzuna egin!

Argazkiak dataren arabera ordenatu eta bideo batetan sartu

2009-03-20T20:26:00.009+01:00

Arazoa: koadrila bidai bat egin genuen eta argazkiak atera genituen hainbat argazki kamera ezberdinekin.

Helburua: argazki guztiak atera zireneko dataz ordenaturik (EXIF metadatuak aprobetxatuz) bideo bat sortzea.

Pausoak:
- Argazkiak atera zireneko data eta orduaren arabera ordenatzen duen script bat topatu (erabili nuen script hau[sh] hemen topatu nuen) eta exekutatu (script horrek argazkien kopia bat egin eta berrizentzen ditu). Topatu nuen arazoa: argazki kamera batek ordua eta data gaizki zituela, hauek eskuz ordenatu behar izan nituen :(

- Aukerazko pausoa: bideoan argazki guztiak ondo ateratzeko, bertikalki ateratakoak GIMPekin ireki eta biratu.

- Hemen irakurritakoaren arabera, dvd-slideshow software paketea instalatu (errepositorioetan egon ohi da) eta pausoak jarraitu:

- 'dir2slideshow' exekutatu bideoaren konfigurazioa prestatzeko (ikusi hemen)

- 'dvd-slideshow' exekutatu bideoa sortzeko (sortutako konfigurazioa erabiliz) (ikusi hemen)

- Azkenengo pauso honen bitartez bideoa sorturik izango dugu .VOB formatuan; beste formatu batera pasatzeko nik ffmpeg-en oinarriturik dagoen Avidemux erabiltzen det.

- Disfrutatu!

OpenOffice 3.0 euskaraz

2008-12-03T08:41:00.003+01:00

EuskalGNU-ko lagunei esker OpenOffice ofimatika suite-a euskaraz dago jada bere 3.0 bertsioan ere, duela aste batzuk GNU/Linux eta Mac OS sistema eragileentzako eta orain ere Windows-entzat ere (oso baliagarria GNU/Linux instalatzerik ez dagoen PC-entzako, lanean daukaguna adibidez). Deskargatzeko lekura joateko hemen klikatu.

Nautilus-ek euskarazko Ubuntu-n daukan bug-a nola konpondu

2008-12-02T23:40:00.003+01:00

Aurreko post batean esan bezala, Nautilusek euskarazko Ubuntu-n bug bat du, eta horrek arazoak ematen ditu fitxategiak kopiatu zein mugitzean; orain EuskaLinux-eko lagunei esker ditxosozko errore hori konpontzea lortu dut, milesker!

Ubuntu 8.10-era eguneratzen

2008-11-06T18:57:00.011+01:00

Atzo nire portatileko Ubuntua 8.10 bertsiora eguneratu nuen, eta arazo handirik ez dut izan; dena den, alde onak eta txarrak topatu ditut:

Alde txarrak:

- Aurretik konfiguratutako WiFi konexioen perfilak mantendu arren, euren pasahitzak ezabatu egin zaizkit eta berriz sartu behar izan ditut.
- Mikrofonoarekin arazoa izan ditut eta berriz konfiguratu behar izan dut.
- Euskarazko interface-ari hainbat gauza falta zaizkio, eta ingeleraz agertzen zaizkit :(
- Windowsetik ere sartu ahal izateko dudan NTFS partizioa desmontatu egin zait, eta berriz eskuz montatu behar izan dut hurrengo komandoa erabiliz:

sudo mount -t ntfs-3g /dev/sda5 /media/DATUAK -o force

Alde onak:

- Defektuz nVidia txartel grafikoa ondo detektatu eta nVidiaren driver berria instalatu du (nahiz eta pribatiboa izan)
- WiFi konexioa momentuz hobeto doala esango nuke, 8.04ean hainbat arazo ematen zizkidan (batzutan deskonektatuz, beste batzutan konektatu ezinda,...), ez dakit Network Manager berriaren erruz edo driver berriaren erruz den (Intel PRO Wireless ABG3945); eguneraketa: ziuraski arrazoi honengatik izango da.

Hobetu ez diren gauzak:
- Nautilus euskaraz daukan errorea.

Laburbilduz, aurrera pausoa izan da, baina baditu konpontzeko arazoak ere.

Jatorrizko DVD-ak (erositakoak) Ubuntun menu eta guzti nola ikusi

2008-09-30T19:28:00.005+02:00

Aspaldian ez nuen Ubuntun ezer konfiguratu behar izan ezertarako, eta atzo erositako DVDa sartu eta berehala ikusterik ezin izan nuen; DVD komertzialek CSS babesa erabiltzen dutelako eta babes hori deskodetu ahal izateko libdvdcss2 paketea instalatu behar dugu. Pakete horrek formatu jabedunak instalatzen dituenez, ordea, Ubuntuk ez ditu bere errepositorioetatik eskeintzen eta beraz beste lekuren batzuetatik bilatu behar dugu, hona hemen nik martxan jartzeko egin behar izan dudana:

- libdvdcss2 paketea jeitsiko dugun errepositorioa gure zerrendara gehituko dugu:

Terminalean "sudo gedit /etc/apt/sources.list" exekutatu
Testu fitxagitearen amaieran gehitu lerro berri batetan kakotxen artekoa: "deb http://ftp.eq.uc.pt/software/unix/Linux/debian-multimedia/ stable main"

- Synaptic pakete kudeatzailea ireki (iturri berriak daudenez birkargatu egingo ditu irekitzean) libdvdcss2 paketea bilatu eta instalatu.

- Bukatzeko DVDak menu eta guzti ikusteko aplikazioren bat instalatu beharko da jada instalaturik ez badago. Nik "Aplikazioak Gehitu/Kendu" pantailatik Ogle aukeratu eta instalatu dut.

Guzti hau egin eta gero, DVDak gustora ikus ditzazket, OeOe.

Iturriak:

http://chema999.wordpress.com/2006/10/28/reproducir-dvd-original-en-ubuntu/
http://www.guia-ubuntu.org/index.php?title=Instalar_codecs_multimedia
http://www.guia-ubuntu.org/index.php?title=A%C3%B1adir_repositorios_externos

Ubuntu euskaratu!

2008-09-27T17:52:00.003+02:00

Software libreak ematen dituen aukerak asko direla aspalditik jakina den gauza bat da. Horien artean, aplikazioak edozein hizkuntzara itzuli daitezke; baina noski, aukera horiek baliatu behar dira, eta horretarako komunitatearen lana beharrezkoa da.

Adibide moduan, Ubuntu GNU/Linux distribuzioaren hurrengo bertsioa euskaratzeko prozesua martxan dago, eta lan guzti hori betetzeko euskaldunak behar dira, noski. Euskaratzen hasteko ez da askorik egin behar, LaunchPad-en izena eman eta lixto! Nik gaur itzulpen gutxi batzuk egin ditut, animatu zaitezte zuek ere.

LaunchPad-en izena eman

Euskaraketak egiten hasi!

Google Reader bloga berpiztera dator

2008-09-24T20:55:00.003+02:00

Azken bolada hontan idazteko denborarik ez daukadanez, Google Reader-en bitartez elkarbanatutako irakurgaiak blog-ean txertatu ditut (eskuinaldeko panelean), behintzat post berririk izan ez arren egunero zeozer aldatu dadin.

update@20080927,18:10 :Zuen blogger-eko blogean gauza bera egiteko egin klik hemen.

Software librea, zergatik da etikoa?

2008-07-04T20:55:00.003+02:00

zabaldu.com bitartez Gara.net-eko artikulu hau irakurri dut. Software libreari buruz gehiegi ez daikiarentzat oso baliagarria izan dakioke zertan datzan ulertzeko, hori dela eta, hemen kopiatzen det oso-osorik:

Iratxe Esnaola Arribillaga informatika ingeniaria

Software librea, zergatik da etikoa?

Teknologiaren munduan dena emanda datorrela dirudi. Ez dagoela aukerarik. Funtzionatzeko modu bakarra existitzen dela eta, beraz, berau ikasi eta barneratzea dela gure eginbehar bakarra. Are gehiago: funtzionatzeko beste modurik egon daitekeen ez diogu galdetu ere egiten gure buruari. Zalantzan jartzen duguna, teknologiak, oro har, erabiltzea edo ez erabiltzea da. Behin erabiltzea erabakita, zein motatako teknologiak nahi eta behar ditugun hausnartzeari ez diogu minututxo bat ere eskaintzen. Eta hori guztia kultura teknologikorik ez dugulako da.

Baina tokian tokiko errealitateak errespetatzen eta, era berean, indartzen dituzten teknologiak existitze dira. Elkartasunetik eta askatasunetik abiatzen den kultura teknologikoa oinarri duten teknologiak badira.

Teknologia horiek, gainera, balore eta printzipio batzuk dituzte, eta hacker-en balore eta printzipio horiexek dira, hain zuzen, euskaldunok eta Euskal Herriak behar duen kultura teknologikoaren oinarri eta zutabe.

Horiek horrela, hiru ikuspuntutatik azter daitezke teknologia mota ezberdinen ezaugarriak: garapenetik, banaketa edota komertzializaziotik eta erabilpen edota sustapenetik.

Garapena. Programak edo softwarea, programatzaileek garatzen dituzte, izan enpresetan edota komunitateetan. Programa bat garatzea, kode informatiko bat idaztea da (iturburu-kodea). Gero, makinak kode informatiko hori interpretatzeko baliabide batzuk ditu, eta interpretazio horretatik, ordenagailuan ikusten ditugun leihoak, botoiak, menuak... sortzen dira. Beraz, gerora makinak interpretatzen duen kode informatiko hori da, garatzen dena. Eta hor, ezaugarri nagusirik bada, kodearen irekitasuna edo itxikeria da. Alegia, enpresa batek kodea ixten duenean, ez dugu kodea ikusteko aukerarik. Beraz, enpresakoak ez diren gainerako programatzaileek ezingo dute kodea aldatu, ez hobetu, ez eta beraien beharretara egokitu. Are gehiago. Mundu osoan garatzen den kode informatiko guztia itxia balitz, programatzaileek beti hutsetik hasi beharko lukete. Besteek egin dutena hartu eta beraien beharretara egokitzea ezinezkoa litzateke. Informazioa ezkutatzen bada, ezagutza ere ezkutatu egiten da. Eta horrekin, berrikuntza erabat geldotzen da, etengabe kontrakoa saltzen diguten arren. Beti esaten digute Microsoft-en funtzionatzeko moduak berrikuntza azeleratzen duela. Gezur galanta. Informazioa ixteak, ezagutza ezkutatzeak, patenteak sortzeak, estandarrak ez erabiltzeak... ez du interes propioa besterik bilatzen.

Software librearen garapen moduak, informazioa zabaltzen du, ezagutza kolektiboa bihurtzen du, nahi duenak eta gaitasuna duenak erabil dezan, aldatu, hobetu eta berriz zabaldu. Software librearen munduko programatzaileek beren askatasunetik abiatu eta gainerakoekiko elkartasuna dute oinarri, eta modu kooperatiboan egiten dute lan, eleaniztasun eta kulturaniztasunari berebiziko garrantzia emanez. Mundu mailako lankidetza da software librearen garapenaren bereizgarritasuna: komunitatea.

Erabiltzaile hutsek ez dute antzemango, baina garapen etikoa dago software librearen atzean.

Banaketa edota komertzializazioa. Enpresa eta komunitateek, bakoitzak bere aldetik edota elkarlanean garatutako programak, banatu edota komertzializatu egin behar dira, inoiz erabiliko badira. Banatzeko edota komertzializatzeko modu hori, informazioaren irekitasun edo itxikeriari erabat lotuta dago. Alegia, kode informatikoa itxiz informazioa eta ezagutza ezkutatzen duten enpresek, sortutako programa komertzializatzerakoan, lizentzien sistema erabiltzen dute. Produktu gisa saltzen digute (Windows adibidez) eta hasierako lizentzia ordaintzeaz gain, eguneraketa bakoitzeko ordainketak egitera behartzen gaituzte. Lotuta mantentzen gaituzte. Beraiek bakarrik dakite nola funtzionatzen duen. Beraiek erabakitzen dute zer den produktua hobetzea. Ez dute galdetzen. Ustez, gure behar informatikoak ezagutzen dituzte. Eta noski, beraiek erabakitzen dute noiz kaleratu eguneraketa horiek guztiak. Lizentzia bidezko sistema honek euskararen kasuan izugarrizko eragina du. Windows sistema eragilearen bertsio jakin bat euskaratzeko eskatuko bagenie ere, arazoa eguneraketekin dago. Euskara merkatua ez denez, ez dituztelako eguneraketa horiek euskarazko Windowsen bertsiorako sortuko. Baina softwaregintzak egungo jendartean duen ezinbestekotasuna oinarri hartuta, lizentzien sistemak ez du zentzurik. Software librearen munduan, doako banaketa izan edota enpresa batek komertzializatzen badu ere, ez da produktua saltzen. Ez da hasierako lizentziarik ordaindu behar. Software librearen munduan zerbitzua da ordaintzen dena. Informazioaren irekitasunak besteek aurrez egin dutena hartzea eta gurean erabiltzeko aukera eskaintzen du. Eta horrexegatik, bezeroaren beharretara egokitzeko egiten den lana da ordaintzen dena: pertsonalizazioa. Ez da programa bera saltzen, instalazioa, egokitzea eta mantenua baizik. Software libreko enpresek gainera, ez gaituzte lotzen. Kodea eman egiten digute eta enpresaz alda gaitezke, kodea irekia baita, eta besteak ere ikus baitezake. Bestalde, erabiltzaile arruntentzako programak, sistema-eragileak adibidez, Internetetik deskargatu daitezke, doan. Ez dugu produktua ordaintzen eta arazoak ditugunean, Interneteko foro eta laguntzarako prestatutako webgune berezietan aurki dezakegu behar dugun informazioa (lagunen bat eskaintzen ez bada). Guk izan ditzakegun arazoak edota ezjakintasunak, beste batzuek sentitu dituzte aurrez. Eta erabiltzaile horiek hackerraren pasioa, elkartasuna eta balio sozialaren garrantzia barneratuak dituztenez, arazo horiei aurre egiteko modua sarean argitaratzen dute. Software librearen munduan, beraz, banaketa edota komertzializazioa ere etikoa da.

Erabilpena eta sustapena. Softwarea eta, oro har, teknologiak, ez badira erabiltzen, ez dute ezertarako balio. Berdin da etikoak diren edo ez, erabiltzen ez badira, zertarako garatu dira? Eta arestian aipatu bezala, badirudi teknologien munduan emanda datorrena bakarrik existitzen dela. Ez dira aukera ezberdinak sustatzen. Dena da Windows, Word eta Photoshop. Ez dago besterik? Microsoft-ek marketinerako izugarrizko baliabideak ditu, ekonomikoak eta bestelakoak. Ekonomikoena, enpresa kontua da, zer egingo diogu. Baina bestelakoak dira kezkagarriak. Enpresatik kanpo dauden teknologiaren sustapenerako baliabiderik eraginkorrenak administrazio publikoak eta hezkuntza dira. Lehenak teknologia egungo gizartera zabaltzeko ardura du. Bigarrenak hurrengo belaunaldiak teknologikoki prestatzekoa. Eta hori ondotxo dakite Microsoft bezalako enpresek. Administrazio publikoak Microsoft-en diru-sarrerarik garrantzitsuena dira. Pentsa zenbat ordenagailu, zenbat lizentzia eta beraz, zenbat diru. Hezkuntza, erabiltzaileak sortzeko aparteko tresna da eta horrexegatik lizentziak erdi «oparitu» egiten dizkie Microsoft-ek. Haurrek (eta ez hain haurrek) Microsoft-en tresnak bakarrik erabiltzen badituzte, Windowsen erabiltzaile gisa hezten baditugu, zer erabiliko dute gero? Bada, ikasi dutena, noski. Eta horrexegatik da garrantzitsua bai administrazio publikotik, bai eta hezkuntzako arlo ezberdinetatik ere software librearen aldeko apustua egitea. Administrazio publikoak zerbitzua ematen dien herritarren aukera askatasuna bermatu behar du, eta herritarren eskuetan utzi beharko luke tresna mota batzuk edo besteak erabiltzeko erabakia. Hezkuntzaren kasuan, ikasleak teknologikoki prestatu behar badituzte, teknologiaren benetako errealitate anitza irakatsi behar zaie. Eskatzen jarrita, batak zein besteak, teknologia etikoa, tokian-tokiko errealitatea errespetatzen duena eta guztiontzat eskuragarria dena sustatu beharko lukete: software librea.

Baina, noski, ezin dugu administrazio publikoen apustuen zain egon, ez eta ardura hezkuntzan eta belaunaldi berrien eskuetan utzi. Software librearen aldeko apustu aktiboak norberarengandik hasi behar du. Urratsak pixkanaka eman behar dira. Erabiltzen ikastea da, bere garaian Windowsekin egin genuen bezala. Jende asko dago laguntzeko, inguruan eta sareen sarean. Euskaldunok eta Euskal Herrian, jada teknologien munduan sartuta gaudela, norabidea aldatzea ezinbestekoa dugu. Bestela, inoiz ez gara teknologiari dagokionez independenteak izango, eta ez dugu etika teknologikoa aplikatuko. Noiz arte itxaron behar dugu?

Euskara salbatzeko dekalogoa

2008-06-02T11:47:00.001+02:00

Berrian argitaratua, 2008ko Ekainaren 1ean

Pako Aristi (Idazlea)

1-Euskara politizatu beharra dago, alegia, alderdi guztiek sar dezatela euren hauteskunde-programako lehen postuan. PPk promesa itzelak egingo ditu bere zabalkundeari buruz; PNV, hori hausteko, urrunago joango da; PSOEk, bere tradizio kaskarra ondu beharrez, euskara ikastera bidaliko ditu politiko guztiak. Ikus ditzaket EAko aseguru-etxeetako langileak besapean Saizarbitoria hartuta. Euskara politizatuta balego boto asko legoke jokoan. Politiko guztiek ikasiko lukete, eta boto-emaileak elkarren arteko konpetentzian sartuko lirateke, zeinek gehiago eta hobeto hitz egin, zorioneko pelean.

2- Hizkuntzaren legitimazio ez-errebindikatiboa planteatu behar da. Errebindikazioak ez daukagun zerbait eskatzea esan nahi du, eta guk ez badaukagu, beste batek daukalako ari gatzaizkio eskean. Eta beti eskean dabilenak bazter guztiak nazkatu egiten ditu, eta okerrena: bere buruari ezer eskatzea eta exijitzea ahazten zaio.

3- Horrekin lotuta, identifikazio-modu berriak aurkitu behar zaizkio euskarari. Hamarkada hauetan asko pobretu dugu gure hizkuntzari, inkontzienteki, lotzen zaion iruditeria: euskara=ikurrina=trikitixa=manifa.

4- Horretarako, infiltrazioa praktikatu behar da euskararekin, eta ez zokoraketa. ETBk praktikatzen du hizkuntz-zokoraketa, euskara ETB1era mugatuz, eta gaztelera ETB2ra, beti ere ekonomikoki euskara diskriminatuz. Euskadi Irratia/Radio Euskadi binomioarekin ere halatsu gertatzen da. Horrek bi bloke sortzen ditu, gero eta gehiago urrunduz hizkuntz-komunitateak. Telebistak bi ibaiertz hurbiltzeko zubi behar du izan.

5- Euskarari buruzko legeak betearazi salbuespenik gabe, lanpostu publikoetan, jende aurreko lanpostuetan, maila guztietan. Ez dakien jendeak ez dezala pentsa «ba, berdin dio, euskara ez jakiteari ez diote garrantzirik ematen», «zu aurkeztu oposaketara, euskarak ez dio axola, gero izango dituzu hamar urte ikasteko». Legedi zabala hor dago; seriotasun itxura eman beza hori betearazi behar duenak.

6- Gune estrategikoak garatu, pertsona erreferentzialen konplizitatea landu. Gizarte mediatiko honetan komunikabideak ispilu erraldoi bihurtu zaizkigu, eta jende masifikatuak imitazioz osatzen du bere nortasuna. Lan berezia egin behar du Jaurlaritzak komunikabideetan asko agertzen diren sektoreekin: kazetariak, kirolariak, politikoak, sukaldariak, reality show-kumeak eta abar. Telebista itzalitakoan gure inkontzientean jaso dugun munduaren irudian euskara entzun beza gure oroimenaren belarriak, jende famatuak euskara asko hitz egiten duen sentipena nagusitu dadin.

7- Utzi korritzeari euskararen alde. Utzi maratoiak. Karrera ziztrin bat prestatzen ematen duzuen denbora piloa, zientoka ordu horiek euskarari eskaini ez zaizkion orduak dira. Susmoa daukat zuen alarde fisiko eta jendetsuak benetako ardurari ihes egiteko amarruak baino ez direla. Hizkuntza batekin lau gauza egin daitezke: hitz egin, irakurri, idatzi edota produktuak erosi eta dastatu. Hori bakoitzak egin behar du, bere bakardadean, bere etxean, bere baitako indar batez. Euskararen alde korrika ateratzen zareten bakoitzean zeuon barruan dagoen arduragabekeriari eta gezurrari ihes egiten diozue. Eman aurpegia; izan ausartak.

8- Horretarako, psikomagiako ariketa bat proposatuko dizuet. Atera leihora eta esan euskarari buruzko gauzarik nazkagarrienak: euskara=koinazoa, euskara=ulertezina, euskara=astuna, euskara=tortura, euskarazko egunkaria=urteko harpidetza hartu nuen eguna madarikatzen dut. Orain heldu zure buruari, eta kendu lepo gainetik, metaforikoki noski. Hartu baloi bat, adibidez, eskuetan, sartu dutxan, ireki ura eta eduki hamabost minututan uretan garbitzen. Lehortu, kokatu berriro buru garbia lepo gainean, eta leihoari bizkarra emanez esan euskarari buruzko gauzarik ederrenak: euskara liluragarria da, beti hitz egingo dut, edonorekin, esan behar dudan guztia euskaraz esaten bai baitakit, Pello Lizarralderen azken liburua erosteko deseatzen nago, antzerkia euskaraz ikusteko irrikan, zer zorte daukadan euskararen eskaintza zabalarekin, zirraragarria da, emozionantea...

9- Madrileko gobernuak Berdintasunaren Ministerioa sortu duen bezala, Jaurlaritzak sor beza Hizkuntzen Arteko Berdintasunaren Kontseilaritza, Joan Mari Torrealdairen zuzendaritzapean.

10- Aholku hauek fotokopiatu bitez, sartu Interneten, blogetan, jarri lantokietako iragarki-tabloietan, pegatinetan laburbildu, Gabonetan herrietako megafoniaz errepikatu bitez etengabe, uhin espansibo baten moduan gizarte osora irits daitezen.

Play ogg

2008-05-28T20:10:00.004+02:00

Aspaldi hontan blog-a guztiz ahaztuta izan dut eta, aitzaki gisa balio ez duen arren, jaiotzear dagoen asmo berri baten parte izango naizelakoan bertan idazteko gogoz indarrak gordetzen ari naizela esan behar dut.

Eta hori gutxi balitz, gainera azken post-aren moduko zerbait esatera nator, oraingo hontan Play ogg iniziatibaren berri izan baitut (hemen irakurri nuen). Kanpaina hau software librearen alde gauza asko egin dituen "Free Software Foundation" delakoak jarri du martxan (FSF Wikipedia EU), eta honen helburua Ogg Vorbis audio formatu irekiaren alde egitea da (Ogg Vorbis Wikipedia EU), orain hain zabalduak diren formatu pribatiboen aldean (mp3-a da zabalduena, baina beste batzuk ere badaude, Microsoft-eko wma formatua esate baterako), eta ez bakarrik formatu aske bat izateagatik, formatu honek kasu gehienetan kalitate hobea eskeintzen duelako ere bai.

GNU/Linux-en oinarritutako Sistema Eragileetan ez bezala, formatu hau entzuteko arazorik topa dezakezue Windows-en dauden musika erreproduktore batzuekin (gogoratzeko beharrik dago?), baina jakin ezazue badaudela Windows-en funtzionatzen duten erreproduktore libreak ere, hala nola VLC Media Player (erreproduktore honek gainera bideo formatu ezagun gehienak iresten ditu).

Hau guztiagatik play ogg!!

Bai Software Libreari

2008-01-27T12:03:00.000+01:00

Aspaldi hontan blog-a hilda egon da eta berpizteko asmoarekin bueltatu naiz; hasteko, gaur bertan Mondragon Unibertsitateko irakasle baten blog batetan eta Teketen-en ikusitako ekimenarekin bat egingo det, Software Librearen alde egotearen seinale den irudia blogean jarrita.

Eguneraketa 2008/01/27: zabaldu.com webgunean irakurri det badagoela jada ekimenaren leku bat, eta beraz hemedik aurrera "Bai Software Libreari" badauka linka: hauxe

18/98 auziaren zentzugabekeriaren laburpena bat

2008-01-27T11:53:00.000+01:00

WTF Atharratzen

2008-01-19T17:56:00.000+01:00

Honelako WTF-a [EN Wiktionary] ikusi nuen beste egunean Atharratzeko taberna baten komunetan:

Ez dakidana debekua apurtuz gero zein izango ote den zigorra...

Linux-era aldatu!

2007-07-08T22:48:00.000+02:00

Hemendik aterako artikulua dakar:

Linuxzaletzat dut nire burua eta badira urte batzuk Linux erabiltzailea naizela maila handi baten (lanean , etxeko bideo grabagailu eta multimedia erreproduzigailuan ), baina onartu beharra dut etxeko ordenagailuan, Windows-Linux abio duala aspaldi izan arren, batez ere Windows erabili izan dudala. Hardwarearekin nituen arazotxo batzuk eta ditudan behar berezi batzuk izan dira horren arrazoia.

Baina duela hilabete pare bat kaleratu den Ubuntu Linux banaketaren bertsio berriak, 7.04 edo Feisty Fawn izenekoak, hainbat hobekuntza ekarri ditu, justu nire arazo eta beharrak konpontzen dituzten batzuk tartean. Horri esker, orain Ubuntu Linux da etxeko ordenagailuan ia beti erabiltzen dudan sistema. Artikulu honetan kontatuko dizkizuet lehen nituen arazoak eta nola konpondu ditudan, eta Linux-en gaur egungo ikusgarritasunaz, abantailez eta erraztasunaz jabetu zaitezten saiatuko naiz, horretarako screencast edo nire ordenagailuaren bideo-kaptura bat lagun dudala. Ea konbentzitzen zaituzten!

Orain arte Linux-ekin nituen arazoak

Urte batzuetatik hona etxeko ordenagailuan abio-duala daukat: Windows eta Linux sistema eragileak instalatuta partizio banatan, eta ordenagailua piztean zeinetan lan egin nahi dudan galdetzen dit. Baina orain arte Linux-ekoa gutxi erabili izan dut, hardware arazoengatik batez ere. Batzutan gertatzen da hau Linux-en: hardware ekoizle gehienek Windows-erako driver-ak soilik egiten dituzte, eta software librearen aldeko komunitateak garatu behar izaten ditu Linux-erako, atzeranzko ingeniaritza erabiliz; horregatik gauza batzuetarako ez da egoten driver-ik, edo ez dabiltza ongi, edo berandu ateratzen dira. Zorionez, hau aldatzen ari da poliki-poliki.

Hasierako urteetan Mandrake izaten zen instalatzen nuen banaketa, eta hardware asko ezin izaten nuen erabili (soinu-txartela, SATA disko gogorra...). Baina duela urte eta erdi inguru Ubuntu banaketara pasatu nintzen. Mark Shuttleworth milioidunaren, espaziora bidaiatu zuen bigarren zibilaren, azken kapritxoa da Debian -en oinarritutako Linux distribuzio hau, baina onartu beharra dago oso ongi egindako kapritxoa dela. Gaur egun Linux banaketarik ezagun eta erabiliena da. Eta merezimendu osoz irabazi du postu hori, polita izateaz gain oso erraza baita erabiltzeko eta instalatzeko, eta hardwarea askoz hobeto kudeatzen du. Ubuntu-rekin aurretik nituen hardware arazoetako batzuk amaitu ziren. Gainera Ubunturen bertsio berri bakoitzarekin (sei hilabetero ateratzen da bat) arazo gehiago konpontzen ziren. Hala ere, Ubunturen azken bertsioarekin, 6.10 edo Edgy Eft izenekoarekin, oraindik hiru arazo nagusi nituen, Windows gehiago erabiltzea zekartenak:

Nire azken inprimagailua eta eskanerra (Canon PIXMA iP2000 eta Canon CanoScan Lide 25) ez zebiltzan ongi Linux-en.

Nire ordenagailuak hiru disko gogor ditu, guztira 500 GB-eko edukiera dutenak, eta erosi nituenean Windows soilik erabiltzen nuenez, Windows-en NTFS formatua dute (bi sistemekin lan egin ahal izateko dudan FAT32 partizio batek izan ezik). Linux-ek NTFS formatuko partizioak irakur zitzakeen, baina ez idatzi. Beraz, horietako datuetan lan egin behar banuen, Windows-en egin behar nuen. Eta diskook musika, argazki eta bideoekin ia beteta nituenez, formatuz aldatzea ez zen erraza, aurrez informazio guztia grabatu beharko bainuen...

Semeak asko ibiltzen dira Ikastolen Elkarteko multimedia CDekin (Argitxo , Ttantto , Txirritx ...). Horiek Windows-en bakarrik funtzionatzen dute (ea hori aldatzen hasten diren eta CDak multiplataforma egiten dituzten, entzun, Ikastolen Elkartea?). Beraz, ordenagailua Linux-en bazegoen (ni lanean, edo aMule zerbait jaisten) eta haurrek CDekin ibili nahi bazuten, itzali eta Windows-era pasatu behar... Azkenean, beti Windows-en ibiltzea erosoagoa da.

Ubuntu berriarekin, akabo arazo guztiak!

Duela hilabete-edo, Ubuntu-n sartu nintzen (6.10, Edgy) eta berak abisatu zidan Ubuntu-ren bertsio berri bat atera zela (7.04, Feisty) eta ea automatikoki eguneratzea nahi nuen. Baietz esan nion eta berak egin zuen dena: jaitsi, instalatu, konfiguratu...

Bertsio berriarekin inprimagailua detektatu zuen eta geroztik primeran dabil. Eskanerrarekin probatzea erabaki nuen, eta hain automatikoa izan ez bazen ere, apur bat bilatuta lortu nuen martxan jartzea.

Horrez gain, entzuna nuen duela hilabete batzuk NTFS-3G paketea atera zela, NTFS partizioak Linux-etik erabiltzeko, idatzi eta guzti. Begiratu nuen Ubuntu-ren pakete zerrendan, eta bazegoen! Di-da baten instalatu zidan, eta geroztik arazo gabe idatz dezaket NTFS diskoetan. Horrela, aMule-rekin edo Azureus -ekin gauzak jaits ditzaket, GRip -ekin musika ripeatu, argazkiak kudeatu...

Hiru arazoak konpontzeko Windows-erako CDena bakarrik falta zitzaidan. Entzuna nuen badaudela Linux-en Windows-eko programak exekutatu ahal izateko programak, baina beti ez zebiltzala, edo instalatzeko zailak zirela... Hala ere, azken arazo hau konpontzen saiatzeak merezi zuela pentsatu nuen.

Lehenengo Wine emuladorea probatu nuen, erraz instalatu eta probatzen dena, eta aipatutako CDetako atal gehienak ongi bazebiltzan ere, jokoren bat ez zebilen eta gainera ezin ziren egindako marrazkiak inprimatu, eta semeek asko egiten dute hori...

Ondoren VirtualBox probatu nuen. Hau ez da Windows-erako programak Linux-en exekutatzeko emulatzaile bat, gure Linux-eko disko gogorrean Windows makina birtual oso bat instalatu eta exekutatzeko aukera ematen digun birtualizazio softwarea baizik. Programa zoragarri bat da, oso dotorea izateaz gain ederto dabilena: azkar, arazorik eman gabe... Linux barruko Windows instalazio horretan nahi ditugun programa guztiak instalatu ditzakegu, eta nik probatu ditudan guztiak oso ongi dabiltza. Ez multimedia CDak soilik, baizik eta baita Office eta horrelakoak ere. Gainera, Linux eta Windows bi sistemen artean karpetak, internet konexioa, clipboard edo arbela, inprimagailua, beste USB gailuak eta abar konpartitu daitezke. Benetan harrituta eta maiteminduta utzi nau software honek. Instalatzeak denbora pixka bat eta arazotxo batzuk eman zizkidan (nire ezezagutzagatik guztiak), baina emaitza benetan ikusgarria da. Azkenean, arazorik gabe exekuta ditzaket Windows-erako multimedia CDak edo bestelako programak Linux-en.

Beraz, lehen nituen hiru arazoak konponduta, orain Ubuntu Linux da etxean ia beti erabiltzen dudan sistema eragilea. Badaude oraindik gauza gutxi batzuk Windows-en soilik egin ditzakedanak: badut hainbat hardware berezi Windows-en soilik dabiltzanak eta ezin direnak VirtualBox-en exekutatu software honek ez duelako hardwarearen konexio mota onartzen (portu paraleloa eta FireWire portua, zehazki). Baina horiek oso noizean behin behar ditut, beraz esan dezakegu ia erabat linuxeratu naizela! Eta hori egin dudanetik asko gozatzen ari naiz, gauza berriak ikastea beti baita ederra. Hiru bat aste daramat Ubuntu-n ia esklusiboki, eta Linux-en inoiz egin ez dudan gauza berri bati ekin behar diodan bakoitzean, plazer hutsa da horretarako zein software erabil dezakedan deskubritzea, software hori instalatu eta probatzea, eta orain arte Windows-en erabiltzen nuen softwarea bezain ongi edo hobeto dabilela ikustea!

Ezin errazagoa

Beti pentsatu izan da Linux informatikarientzat dela, komando-lerroarekin dabilen sistema zail eta itsusi bat, eta Windows-ek, aldiz, erabiltzeko erraza izatearen fama du. Baina aspalditik ez da horrela. Nire ustez, gaur egun Linux Windows bezain erabilterraza da.

Eta komentatutako arazoen inguruan, ez zaiteztela nik kontatutakoagatik Linux probatzeko desanimatu, e! Ikusten duzuenez, nire ordenagailuaren eta erabileraren berezitasunengatik dira arazoak. Ordenagailu askotan hardwareak ez du arazorik ematen, beraz zure kasua hori bada eta ez baduzu informazioa NTFS partizio baten eta ez baduzu Windows-eko multimedia CDrik erabiltzen, Linux-ekin eguneroko gauzak ederto asko egin daitezke (ofimatika, internet, posta, txateatu, CD eta DVDak grabatu, irudi eta argazkiekin ibili...). Gainera, hainbat lan mota egiteko (bideoak ripeatzeko adibidez) askoz tresna hobeak daude Linux-en, horrelakoak egiteko Linux-era pasatu izan naiz aspalditik.

Horrez gain, Linux-i aurpegiratzen zaion beste gauza bat da instalatzeko zaila dela Linux-en aldean. Eta zer daki jendeak hortaz ba? Jende gehienari dendatik etortzen zaio instalatuta edo gu moduko pringatuek instalatzen diote. Eta nik benetan diot, Windows instalatzea oso lan astuna da, eta badakit zertaz ari naizen, informatikaria izanik makinatxo bat instalazio egin izan baitiet lagun eta familiakoei. Instalazio bat egiteko, CD pilo batekin joan behar dut (Windows, Office, Adobe Reader...) eta dena instalatu, eta ondoren web gune ezberdin pilo batetik gauzak jaitsi eta instalatu... Total, arratsalde osoa galduta! Gainera, zenbat gastatzen duten lizentzietan? Edo crack-ak lortzeko denboran bestela...

Linux sistema bat instalatzean, aldiz, ez da sistema eragilea soilik instalatzen, behar diren programa guztiak ere sartzen dira (ofimatika, irudi edizioa, PDF ikustailea, CD/DVD grabagailua...) ordu erdi baino gutxiagoan CD bakarretik. Eta defektuzko instalazioan instalatzen ez den beste edozein programa nahi badugu, programa bat dakar existitzen den software libre ia guztiaren informazioa zentralizatzen duena. Hor behar dugun softwarea aurkitutakoan nahikoa da botoi bati ematea, berak dagoen tokitik jaitsi, instalatu eta konfiguratu dezan. Eta aurrerantzean, instalatu dugun guztia automatikoki eguneratzen joango da. Zoragarria, ez?

Efektu ikusgarriak: Beryl

Itsusia izateari ere aspaldi utzi zion Linux-ek, baina gaur egun Windows baino ikusgarriago eta Mac bera bezain ikusgarria izan daiteke, Beryl programari esker.

Beryl-i buruz asko berba egiten da azken aldian, informatika eta Linux munduan. Baina zer da zehazki? Beryl-ek gure Linux-eko mahaigainean hainbat hainbat efektu ikusgarri jartzen ditu, batzuk 3D-n:

Leihoak irekitzean, ixtean, minimizatzean, maximizatzean edo mugitzean adibidez oso efektu deigarriak erakusten ditu.

Leihoak transparentzia maila ezberdinekin erakuts ditzake, atzekoa ikusteko.

Menuak desplegatzean ere hainbat efektu sartzen ditu.

Linux-en lanean erabil ditzakegun mahaigain ezberdinak 3 dimentsiotako kubo baten aurpegiak bailiran erakusten ditu, eta sagua mugituz bira dezakegu kuboa, bitartean leiho ezberdinak ere 3D-n ikusten direlarik.

Eta hauez gain, beste gauza asko. Gainera efektu bakoitzarentzat aukera piloa eskaintzen ditu, eta asko jolastu dezakegu aukera ezberdinekin, mahaigain ikusgarri eta erabat pertsonalizatu bat izateko.

Beryl-ek egin dezakeenaren demo gisa jendeak grabatutako bideo piloa ikusi daitezke interneten. Horrek animatu ninduen instalazioa saiatzera, eta baita erraz lortu ere. Hala ere, esan behar da duzun txartel grafikoaren arabera errazagoa edo zailagoa izan daitekeela. Beryl programa bera Ubuntu-ren programa-bilduman dago eta erraz instalatzen da, baina txartel grafikoen 3D aukerak aprobetxatzeko driver-ak eta liburutegiak ere instalatu behar dira, eta horiek instalatzea, gure txartelaren arabera, errazagoa edo zailagoa izan daiteke. Nik esteka honetako argibideak jarraitu nituen (errepositorioen aldaketarena izan ezik, Beryl jada Ubuntu-renetan baitago). Bestela, txartelaren arabera nola instalatu behar den jakiteko, beste esteka honetan duzue oso ongi azalduta.

Emaitza, benetan ikusgarria, goiko bideoan ikus daitekeenez. Abiadura onean dabilkit gainera, txartel zaharra eta normaltxoa izan arren (bideoan mantsoago ikusten da, pantaila halako erresoluzioan kapturatzeko pantaila-kaptura softwareak mantsotzen duelako). Gainera, uneren baten programa asko exekutatzen ari naizelako sistema mantso badabil, klik batekin desaktibatu dezaket Beryl, eta nahi dudanean berriz aktibatu.

Beryl-en praktikotasuna? Hutsa, eye candy besterik ez da. Baina behintzat Linux-en itsusitasun mito hori apurtzeko balio du, eta agian hainbat jende Linux-era erakartzeko.

Bideoari buruz

Nire lehen screencast hau gtk-recordmydesktop erabiliz egin dut. Beste software ugari (xvidcap , Istanbul , vnc2swf , Wink , ffmpeg , VLC ...) eta hainbat web zerbitzu (Screencast-o-matic adibidez) daude pantailaren bideo-kapturak egitea ahalbidetzen dutenak, baina niri honek funtzionatu dit hobekien. OGG formatuan grabatzen ditu bideoak, eta lehenago AVI-ra bihurtu behar izan dut MEncoder erabiliz YouTube -ra igo ahal izateko. YouTube-k kalitatea eta erresoluzioa jaisten dio bideoari, jatorrizko kalitatean ikusi nahi baduzue xehetasunak ere nabaritzeko, jaits ditzakezue OGG formatuan eta AVI formatuan ere esnips zerbitzutik (biak zipeatuta daude).

Bideoan ikus ditzakezue, alde batetik, Beryl-en efektuak (leihoak maximizatzean, minimizatzean edo mugitzean, aplikazioz aldatzean, mahaigain batetik bestera 3D kuboarekin mugitzean...), eta bestetik Linux-eko hainbat aplikazio martxan: aMule (fitxategiak jaisteko), Firefox (interneten nabigatzeko), GThumb (argazkiak kudeatzeko), VirtualBox (Windows exekutatzeko, Ikastolen Elkarteko CDak martxan ikus daitezke bertan), Comix (komikiak irakurtzeko)... Agerian gelditzen da ez direla aplikazio batere konplikatuak, ezta? Windows-ekoek bezala interfaze grafiko erabilterraza dute, aplikazio berriei ohitzea besterik ez da.

Ikusten duzue, beraz. Sistema erraza bai erabiltzeko, bai instalatzeko eta mantentzeko. Gainera, Windows ere exekuta dezakezu barruan. Hori guztia ere baduzuela Windows-ekin? Ados, baina software guztia legalki erosiko bazenute zenbat kostatuko litzaizueke hori guztia izatea? ;-) Linux-ekin, behar duzun guztia duzu, doan eta libre!

Heldu heldu Korrikari!

2007-03-10T13:08:00.000+01:00

Laguntza teknikoa Erdi Aroan

2007-02-13T20:58:00.000+01:00

Microsiervos-etik ateratako bideoa:

Biderkatzen badakizu?

2007-02-05T20:35:00.000+01:00

Aspaldi ezer idatzi gabe egon ondoren CuriosoPeroInutil webgunean gomendagarrian bideo hau ikusi det, askok aspaldi eskuz biderkatzen ez badezue era dibertigarriago batetan egiteko:

Aipua

2006-12-04T02:38:00.000+01:00

"Denboraldi batetarako seguritate bat lortzearren oinarrizko askatasuna galtzeko prest daudenek ez dute merezi ez seguratunik ez askatasunik."

Benjamin Franklin

Elebitasuna

2006-11-28T15:18:00.000+01:00

Arrazoia izatekotan dauden hauek hauxe idatzi dute Eusko Jaurlaritzak elebitasunaren alde egindako kanpainaren inguruan, atzo zabaldu.com webgunean irakurri nuen moduan. Euren ustez, UKAN deitu izan den kanpaina honek euskra inposatzeko asmoa omen du, diskriminazioa iruditzen baitzaie lanpostu bat lortzeko gazteleraz gain euskara jakitea abantaila izatea (asuntoa ez da bata edo bestea menperatzea, baizik hizkuntza bat edo bi menperatzea!). Administrazio publikoak euskararen alde egiten duena gutxiegi dela argi dago, eta egiten duena elebitasunerantz jotzea da, inola ere ez euskarak gaztelera ordekatzeko ahaleginik ez du erakutsi.

Eta gainera editorial hutsa den iritzi artikulu hau berria balitz bezala publikatzen dute, tamalgarria benetan.

...eta orain Alexander Litvinenko

2006-11-27T23:31:00.000+01:00

Orain dela ez denbora asko Anna Politkovskaya kazetari errusiarra erahil zuten Errusiako zerbitzu espezialek, inork inoiz frogatuko ez duen arren; eta oraingoan Vladimir Putinen agindupeko mafia Erresuma Batuan erahil du, bere barnean egona zen Alexander Litvinenko polonio 210-ez pozoindu ondoren. Gizon hau, kasualitatez, Anna Politkovskayaren erahilketa argitu nahiean zebilen guzti hau gertatu zaionean.

Kasu honetan ere inork ez du sekula errudunik topatuko, bilatu ere ez baitute egingo eta. Estatu terrorismoaz inguratuta bizi gera eta bestelako terrorismoari beldurra eragin nahian dabiltza oraindik ere...

Soziedad Alkoholika absolbituak

2006-11-22T17:08:00.000+01:00

Berria-n eta beste leku batzuetan irakur daitekeen moduan SA taldeko kideak eta manager-a taldearen hitzetan terrorismoaren goraipamena egiteaz absolbituak izan dira gaur Audientzia Nazionalak ateratako sententzian. Batzutan behintzat sen onak irabazten du, alaitzeko moduko berria hauxe.

Estatu espainiarrean... bankuak agintari

2006-11-21T09:50:00.000+01:00

Hemen (gazteleraz) irakur daitekeen artikulu interesgarrian komunikabideetan ematen diren estatistiken beste ikuspegi bat ematen da, askoz interesgarriagoa dena.

CIS erakundearen azkenengo ikerketak dioenaren arabera, PP eta PSOE nahiko berdinduta daude boto intentzioari dagokionez, baina harrigarria da Zapatero jaunak jendearen %56,7-ari ez diola batere konfidantzarik ematen, eta Rajoy-ri ere gauza bera gertatzen zaio jendearen %75,6-arekin! Beraz jendearentzat bi hauen artean erabaki behar izateak aukera txar bat eta txarrago baten artean hautatu beharrean jartzea suposatzen du.

Horretaz gain, badaude askoz interesgarriago diren datuak: jendearen %50,4 ustez, estatu espainiarrean botere gehien daukatenek bankuak dira, Gobernuaren gainetik, eta hirugarren postua enpresa handiek daukate; horregatik ziuraski, jendearen %46,1-a ez dago batere pozik bertako ustezko demokraziaren funtzionamenduarekin.

Datu gehiago: gobernuaren instituzioen artean konfidantza gutxien eragiten duena Justizia Tribunalak dira, betiere Polizia eta Ejertzituaren atzetik, Monarkia delarik listaren hurrengo sailkatua. Konfidantzarekin jarraituz, GKE-ak komunikabideak baino askoz hobeto estimatuak daude, baita talde politikoen eta Elizaren aurretik; azkenengo bi hauek konfidantza gutxien eragiten dutenak dira, zein baino zein gutxiago.

Politikoak eurak eta klase politikoa bere osotasunean, era berean, estatuko seigarren arazo larritzat jotzen du jendeak, baina horrelako datuak ez dira zabaltzen, politikoek ez dute euren kontra daudenak gehiengoa direla ikusi nahi, boterean jarraitzeko legitimitaterik ez dutela azken finean.

HatortxuRock

2006-11-20T13:40:00.000+01:00

Azken hilabeteotan Piperrak talde mitikoaren itzulera inminentea zela iragarrita irakurri dut musikako zenbait webgunetan (hemen edo hemen esaterako), eta azkenik Hatortxu Rock-eko webgunea berritu dute, berria egiaztatuz:

Europako Parlamentuko PP-kidearen hanka sartzea

2006-11-17T12:58:00.000+01:00

Hemen(gazteleraz) irakur daitekeen moduan, Europako Parlamentari batek, Espainiako PP-ko kidea den Antonio López-Istúriz-ek hain zuzen ere, hanka sartze galanta izan zuen, bere koinatuari bidali nahi zion email bat parlamentari guztiei bidali baitzien. Anekdota batetan geratuko litzateke dana emailaren edukia hauxe ez balitz: koinatuari bitartekari bat bilatzeko eskatzen zion faktura igortzeko, eta gero horietaz baliatuz bere talde politikoari kobratzeko! Gainera, akatsak konturatu zenean, email-a ezabatzen saiatu zen (posiblea da oraindik irakurri gabe badago). Berak orain norbaitek bere izenean eta bere ordenagailutik bidali zuela dio, eta zerbitzu informatikoei gertatutakoaren inguruko ikuskapena eskatu du, ea zein izan ote den argitzen duten...

Arrazoi guztiak ditugu: AHT gelditu!

2006-11-16T16:50:00.000+01:00

Ikerrek kontatu didan moduan:

"Larunbat honetan Abiadura Handiko Trenaren (TAV) aurkako manifa dago Gasteizen. Manifa nazionala da, Euskal Herri mailakoa, eta arratsaldeko bostetan aterako da Iparraldetik.

Obra honek herri eta nekazari askoren bizitza suntsituko du eta ez dut uste Euskal Autonomi Erkidegoak horrelako infraestruktura gehiagoren beharra duenik, are gehiago, merkantziak eta ez pertsonak garraiatzeko pentsatuta dagoela jakinik. Ez al dago jada autopista eta autobide nahiko gure lurraldean? Nortzuk jasoko dute onura? Enpresarioek? Arabar naizen bezala mintzen nau lautada (Gasteiztik Legutiora) eta Aramaio inguruko lurraldeak zatituko dituen ebakia ikusteak, gero eta gutxiago diren nekazari eta abeltzainen bizimoduak trunkatu dituena, hainbat herrixka suntsituko dituena. Luko eta Urruña bezalako herriek hilabete asko daramatzate burrukan, euren bizimodu eta ingurunea mantendu nahian, ez legoke txarto elkartasuna erakustea."

Eguneraketa 20061115_2347: Hemen mobilizazioaren inguruko informazio gehiago topa dezakezue, manifestazioaren ostean Gasteizko Gaztetxean egingo diren kontzertuei buruz, besteak beste.

Eguneraketa 20061116_1650: emailez informazio gehiago bidali didate AHT-ren inguruan, bertatik hartu ta hemen kopiatu det. Irakurtzeko klik egin "gehiago irakurri" loturan.

AHT ez da ohiko trena

Trenaren itxura du, baina hegazkinaren parekoa da distantziei, geldialdiei eta energia gastuei dagokienez… Izan ere, AHT, lurretik doan hegazkina da.

AHT-k konponezinezko kaltea egingo lioke Ama Lurrari

Barrera efektua; zarata ikaragarria (trenbidetik 250 metrorarteko tartean osasunarentzako kaltegarria); paisaiari eraso bortitza; lurren okupazioa (trenbidearen plantak soilik 400 Ha baino gehiago); desregularizazio hidrologikoa (31 Km akuiferoren suntsiketa); energia kontsumoaren biderkatzea (tren arruntak baino 6 bider gehiago kontsumitzen du); hondakinentzako hamaika zabortegiren sorrera (Km bakoitzeko 15.000 metro kubiko hondakin sortuko da); balio natural handiko ekosistemen kaltetzea (Aizkorri-Aratz eta Aralar naturgune babestuak); Hego Euskal Herrian katalogatutako 12.500 landare eta animalia espezieri kalte zuzenak…

AHT-k gastu sozialaren murrizketa eragingo luke

AHT inoiz ikusitako azpiegitura handiena eta garestiena da. Bere aurrekontua 6.000 milioi euro ingurukoa da, hots; Eusko Jaurlaritzaren Etxebizitza Sailaren 33 urterako aurrekontua.

Guztiok ordainduko dugu baina, aurreikusitako ibilbideak eta salneurriak aintzat harturik, gutxi batzuek erabili ahal izango dute.

Aitzitik, dirutza horrekin, populazio osoarentzako kalitatezko garraio publikoa finantzatu eta beste behar sozial askori erantzun lekieke.

AHT-k, tren-garraioa zerbitzu publiko eta unibertsala delako kontzeptua
lurperatu egiten du.

AHT-k ez ditu egungo garraio arazo larriak konponduko

Errepideetatik 1.000 kamioi kenduko dituela esaten digute… Ez digute esaten ordea, 11.000-tik gora direla egunero-egunero errepideetan dabiltzan kamioiak eta kopuru hori 16.000-ra helduko dela hiru urte barru.

Aitzitik, AHT, bere baitan autopista, superportu, plataforma logistiko eta abar luze bat biltzen dituen azpiegitura plan erraldoi baten parte da; negozio den heinean kosta ahala kosta garraioaren hazkundea bultzatzea helburu duen plan baten parte, alegia.

AHT-k ez du elkartuko, bereiziko baizik

AHT-k urrun dagoena gerturatu baina gertu dagoena urrunduko du. AHT-k ez du aldiriko garraiorako balio: hirietan bakarrik geldituko da eta ondorioz ez ditu eskualde barruko joan-etorriak (eguneroko joan etorrien %97) ahalbidetuko. Azkarrago burutuko dute Madrildik Parisako bidea, baina bidean zeharkatutako herriak eta eskualdeak txikitu eta beren bizi-modua eta bizi kalitatea larriki kaltetuko ditu.

AHT-k lurralde desoreka eta nekazaritzaren gainbehera bultzatuko lituzke

AHT-k kalte larriak eragingo dizkie nekazaritzari (Gipuzkoan babestutako 8 nekazal gune desagertuko dira) eta orohar herrietako eta nekazal-eremuko bizi-modu eta bizi kalitateari.

AHT-k hirietaranzko migrazioa eta hirien zentralismoa bultzatuko ditu herri eta nekazal-eremuen kaltetan.

AHT-k hirien eta herri eta nekazal-eremuen arteko pitzadura handitu egingo du.

AHT prekarietate laboralaren eta deslokalizazioen sinonimo da

AHT multinazionalen interesei jarraiki lan-indarraren eta salgaien mugikortasuna handitzea helburu duen tresna da.

AHT-k eta gisa horretako garraio azpiegitura erraldoiek zeresan handia dute ekonomiaren eta merkatuen nazioarteratzean eta, ondorioz, baita prekarietate laboralaren eta deslokalizazioen areagotzean ere.

AHT neoliberalismoaren eta kapitalismoaren paradigma da

AHT, neurrigabeko ekoizpenean, ezberdintasun sozialetan eta kontsumismoan oinarrituriko ekoizpen-modu, jendarte-molde eta bizi-ereduaren adibide esanguratsua da.

AHT gutxi batzuen eskutan boterea eta aberastasuna eta gehienen bizkargain behin-behinekotasuna, ezegonkortasuna eta prekarietatea metatzen dituen “garapen”-ereduaren adibide da.

AHT herritarrei hitza eta erabakia lapurtu eta afera ekonomiko, politiko, sozial zein kulturalen gaineko erabaki ahalmen osoa politiko profesionalen eskutan jartzen duen “demokrazia”-ereduaren adibide da.

AHT inposaketaren sinonimo da

AHT-ren egitasmoa batere informazio-gardentasunik gabe eta udalerrien zein herritarren interes, nahi eta borondatea aintzat hartu gabe jorratzen ari dira.

Gehiengo sozial eta sindikalak AHT gelditzeko eskatu du behin baino gehiagotan, baina administrazio ezberdinak entzungor egiten ari zaizkio.

Obrak hasteko erabakia hartzearekin, beste behin ere, indar frogaren, egite kontsumatuen politikaren eta inposaketaren aldeko hautua egin dute bai espainiar estatuak bai Eusko Jaurlaritzak.

Elkarrizketa David Bravo-ri

2006-11-15T18:22:00.000+01:00

David Bravo (WikipediaES) p2p sareetan aditua den abokatua da, eta honetaz dihardu daukan blogean; ba abokatu honi gai honi buruz LaFlecha web gunean elkarrizketa luze bat(gazteleraz) egin diotela irakurri det Barrapunto-n. eMule-ren moduko programak erabiltzearen legaltasunaz arduratzen direnentzako interesgarria.

Microprozesagailuen konparaketa

2006-11-15T12:39:00.000+01:00

Barrapunto webgunean artikulu nahiko interesgarri bat irakurri det Intel eta AMD enpresen mikroprozesagailu nukleoanitz ezberdinen inguruan; bertan Intel Core Duo, Intel Core 2 Duo, Intel Quad Core, AMD K8L, e.a. bezalako mikroak konparatzen ditu bai errendimentu aldetik baita beste parametro batzuk erabiliz ere. Artikulua gazteleraz dagoen arren interesgarria dela dirudit, hemen irakur dezakezue.

Gazteon prekarietateaz barre

2006-11-14T16:08:00.000+01:00

Gazteok jasatzen degun prekarietatea aski ezaguna izango dezue, (eta gazteok esaten dudanean gazteen gehiengo kezkagarriaz ari naiz), lan finkoa, etxea, eta bestelako eskubide asko ukatzen zaizkigularik.

Honen inguruan, gaur email-ez jaso det informazio honen berri, eta horregatik hamen linkatzen det bideo hau:

Beno, ba horretaz gain, horren inguruan barre egiten duten hainbat iragarki jasan behar ditugu gainera (hemendik ateratakoak dira), hona hemen argazki batzuk (egun txarra izan duenak ez lituzke begiratu behar):

Hiru argazki hauek jasan dituzuenek artikulu interesgarri hau eta beste hau irakurtzea merezi duzue. Honetaz aparte, %5aren gorakadaren ondorioz gutxienezko soldata 570€ arte igoko dela irakurri det ere, ez dakit alaitzeko moduko berri bat den edo negar egiteko modukoa...

Software librearen inguruko berriak

2006-11-13T18:35:00.000+01:00

Azkenengo bi asteetan blog-a nahiko geldituta izan det, bino gaur esateko nituen hainbat gauza publikatzeko asmoa daukat, arratsaldea okertzen ez bada behintzat. Hasteko, Software Librearen inguruko berriekin noa:

Alde batetik, Sun enpresak Java plataforma GNU lizentziaren bitartez liberatu du horrela software librea bihurtuz, alde batetik plataformaren konpatibilitatea mantendu dadin eta bestetik merkatu berriak irekitzeko asmotan; azken hauxe azpimarratzea nahiko nuke software librearen errentagarritasuna dudatan jartzen dutenak asko direlako...

Bestetik, parlamentari frantses batek OpenDocument formatoa Europear Batasunean estandartzat hartzeko proposamena egin du, hauxe EB-arentzat ekonomikoki onuragarria izango delakoan.

Eusko Jaurlaritzako lehendakari ordea den Idoia Zenarruzabeitiak, bere aldetik, "Software librea ez dela beti onuragarria eta bere moldaketa oso nekeza dela" dela erantzun dio PSE-ko ordezkariari honek SL-aren implantazioa azkartzeko eskaera egin dionean, orain dela lau urte aprobatutako legearen harira.

Eta bukatzeko, Hugo Chavez-ek, SL-aren eta politikaren arteko erlazioarekin jarraituz, Software Libreari lehentasuna ematea agindu du ondo informaturik dagoela demostratu du, batez ere hirugarren munduaren garapenean SL-aren garrantzia ikusten duelako:

Lehenengo bideoa eta bigarren bideoa

Aste hontan EuroMillones jokoaren esperantza matematikoa positiboa da

2006-11-13T17:29:00.000+01:00

Microsiervos-en irakur daitekeen moduan (artikulu gomendagarria), normalean loterian jokatzea matematikoki aukera txarra da, irabazteko ziurtasuna izateko inbertitu beharreko dirua irabaziko zenukeena baino gutxiago delako gehienetan. Baina aste hontan EuroMillones jokoan 180 milioi euroko botea dago, apostu bakoitzak 2€ balio ditu eta irabazteko probabilitatea 1/76.275.360 koa izanik, esperantza matematikoa positiboa da, eta beraz, aukera estatistiko guztietara apostatuz gero irabaziko zenuena inbertitutakoa baino gehiago litzateke; eta zuek esango duzue "Hori horrela bada zergatik ez dezu aposturik egiten?", erantzuna erraza da: alde batetik ez dauzkat apostu guztiak betetzeko haina diru (150 milioi euro baino gehiago beharko lirateke) eta bestetik badago beste arazo txiki bat, beste batek (edo batzuek) ere konbinazio irabazlea asmatzeko posibilitatea dagoela, eta kasu horretan diru elkarbanatu beharko litzateke, irabaziak beharrean galerak eragingo zituelarik.

Kasu hau esaera famatu baten eszepziotzat hartu dezakegu: "Loteria matematika ez dakitenek borondatez ordaindutako zerga da".

Marrapuntu (edo "/.")

2006-11-11T12:02:00.000+01:00

Aste hontan nahiko lanpetuta ibili naiz eta ez det blogean post berririk sartu, bino honek merezi duela ustet. Slashdot webgune famatuaren moduko euskarazko webgunea sortu baita: Marrapuntu hain zuzen ere (gazteleraz dagoen Barrapuntoren modukoa ere), berri teknologikoak elkartzen dituen webgunea. Ezkerraldeko linketara gehitu dut jada.

S.A.-ko kideak epaituak

2006-11-03T13:45:00.000+01:00

Leku askotan irakur daitekeen moduan, atzo Soziedad Alkoholika talde gasteiztarreko kideen kontrako epaiketa hasi zen, taldeko abesti batzuetan terrorismoaren goraipamena zein biktimen iraina eta mesprezua egin delakoan, hauxe dana AVT-aren akusazio partikularraren ustez, noski (link honetan ikus dezakezue autoa).

Epaiketa hau birritan artxibatua izan da akusazioaren argumentoak baliogarriak ez zirelako (horietako batetan Garzonek berak artxibatu zuen kasua, klik hemen ikusteko), baina AVT elkarteak berriz ere kasua irekitzea lortu du eta epaiketa burutzea lortu du. Estatu hontan adierazpen askatasuna egotekotan ez legoke arazorik musika taldekideak aske eta inolako zigorrik gabe ateratzeko, baina aurretik sententzia harrigarriak egonda ni behintzat ez nago batere laxai.

Brad Will

2006-11-03T00:10:00.000+01:00

Orain dela astebete gertatu zen arren, ez det komentatu gabe utziko; Brad Will, Indymedia-ko kazetari-argazkilaria, Oaxacan (Mexiko) bertan gertatzen ari diren erreboltei buruz informatzen zebilen eta paramilitar PRIzaleek erahil zuten, betiere Mexikoko Gobernuaren babespean eta inputitate osoz. Hemen gertatutakoaren berri irakur dezakezue (gazteleraz), baino gogorrena hurrengo bideoan ikus daiteke, erahila izan zen unean Brad grabatzen ari zeneko bideoa delako hain zuzen ere:

Bideoa Google Video-ko webgunean ikusteko klik hemen.

Oaxaca gertatzen ari denari buruz informazio gehiago jakin nahi ezkero irakurri hamen (gazteleraz)

Etorkinak eta delinkuentzia

2006-10-30T20:03:00.000+01:00

Gaztelaniaz dagoen link honetan etorkinen eta delinkuentziaren artean dagoen erlazioa ikusten da, eta ematen dituen datuak nahiko adierazgarriak dira. Horren arabera, etorkin arriskutsuenak aljeriarrak dira, eta horietako %2,5ak besterik ez dute egindako deliturik, hau da, Algeriatik datorren 100 pertsonatik 97,5-ek ez dute deliturik egin. Hala eta guztiz ere, jatorrera konkretu batzuetako pertsonak (errumaniarrak, hego-amerikarrak, aljeriarrak...) egunero ageri dira telebistan delituak egin izanagatik, eta euren etorkin izaera ondo azpimarratuz gainera, gizarteak euren inguruan beldurra sortarazten dutelarik; benetan gertatzen dena hauxe da: nahiz eta bertokoak baino askoz probreagoak izan, etorkinak ia bere osotasunean deliturik gabe lortzen dute eguneroko ogia, eta beraz ez dago etorkinei beldurrik izan behar, edo ez behintzat etorkin ez direnei baino gehiago behintzat.

Aski da jada, FUD gehiagorik ez, eta are gutxiago gizarteko kolektibo ahulenetarikon kontra!

Sahara-ri buruzko (foto)blog-a

2006-10-28T00:01:00.000+02:00

Aspaldi izan nuen asmoa Tindouf-en inguruan dauden saharauien errefuxiatu kanpamenduetara egindako bi bidaietan bizi izandakoa kontatzeko, baina blog-ek daukaten formatora moldatzeko pausoa ez nuen oso argi; hori dela eta denbora pasatzen joan da eta ez det orain arte ezer egin, baina azkenik hasi naiz bidaietako argazkiak banaka igotzen eta komentatzen. Denbora izan ezkero astean bizpahiru argazki igotzeko asmoa daukat, herri saharauiaren inguruan zeozer jakin nahi badezue pasa zaitezkete bertatik: hauxe da link-a

Armamantu nuklearra (Aktualizazioa)

2006-10-26T13:04:00.000+02:00

Ipar Koreak lehergailu nuklearrekin egindako frogak direla eta mundu aurreratua deitzen deneko estatuek NBE-aren bitartez estatu honi zigorrak ezartzeko deia egin dute, euren ustez ez baitira zilegi estatu honek lehergailu nuklearrak lortzeko ahaleginak, hipokrisi galanta hauxe zigorrak ezartzea nahi dutenen artean bost estatuk (AEB, Erresuma Batua, Errusia, Frantzia eta Txina) era horretako armak eukitzeko NBE-aren baimena izanda eta beste hiruk (India, Pakistan eta Israel) baimena izan ez arren horrelako armak dituztela jakinik.

Ez nuke Ipar Koreak horrelako armamenturik eukitzea defendatzen dudanaren itxura eman nahi, ezta gutxiagorik ere, baina ez da jasangarria batzuk horrelako lehergailuak eukitzeko baimena edukita beste batzuk horrelakoa lortzeko saiakerak egiteagatik zigortzen deneko egoera. Armamendu nuklearraren kontrako kanpainia ez litzateke Ipar Korearen moduko estatuekin hasi behar, aspalditik horrelako armamendua duten herrialdeak desarmatzea litzateke lehenengo pausoa, horrela besteek ez lukete horren kontrako armamendua lortzeko saiakeretan hasiko.

Aktualizazioa(20061026_1304): Moran-en blog-eko post hontan hurrengo argazkia ikusi det gai honekin erlazionatuta, nahiko adierazgarria dela iruditzen zait.

Mozilla Firefox 2.0

2006-10-24T11:34:00.000+02:00

Ofizialki oraindik atera gabe dagoen arren, Mozilla-ren webgunetik Firefox 2.0 bertsioa jeitsi daiteke jada Microsiervos webgunean informatzen duten moduan. Egin klik hemen Firefox 2.0 Euskaraz jeisteko (Windows-eko bertsioa), edota hemen Windows-entzako beste hizkuntzatan lortzeko edota hemen bestelako sistema eragileentzako.

Bertsio honen irteera IE 7.0-ren irteerarekin batera doanez momentu ona izan daiteke Firefox-en benetako zabaltzea gertatzen den edo ez jakiteko. Denborak esango du...

3608528850368400786036725

2006-10-22T18:02:00.000+02:00

Microsiervos webgunean irakurri det (hauxe da euren iturria) zenbaki hau ez dela zenbaki arrunt bat, zenbaki polizatigarria da hauxe, eta 20456 zenbakik daukate berezitasun hauxe: zenbakia berak daukan zifra kopuruagatik zatigarria da, eskuineko azken zenbakia kenduta orduan daukan zifra kopuruagatik zatigarria da, eta horrela zenbaki guztiak agortu arte.

3608528850368400786036725 / 25 = 144341154014736031441469
360852885036840078603672 / 24 = 15035536876535003275153
36085288503684007860367 / 23 = 1568925587116695993929
3608528850368400786036 / 22 = 164024038653109126638
(...)
360 / 3 = 120
36 / 2 = 18
3 / 1 = 3

Gasteizko gaztetxea erasotua

2006-10-19T12:28:00.000+02:00

Ziegok bere blogean jarri duen moduan (berak Hala Bedi Irratiko webgunetik atera zuen) Gaztetxeko Gazte Asanbladak igande gauean Gasteizko Gaztetxea erasotua izan zela salatu du, hemen kopiatzen dizuet publikatu den komunikatua:

"Igande gauean 00:30ak aldera, gaztetxea erasotu zuten atean eta ezkerreko zuhaitzeko txokoan bi sute txiki eraginez. Gogorarazi nahi dugu ez dela lehen aldia, orain dela bost urte gauza bera gertatu zela eta garai hartan bezela, inguruan tentsio momentuak bizi ostean ematea kasualitatea ez dela deritzogu. Asteburu hontan auzoan egon den jazarpen poliziala eta Ibai eta Igorren atxiloketen ostean gertatzeak zer pentsatu ematen digu.

Eraso hau ozen salatu nahi dugu, bai eta edozein gazte espresioren kontra ematen direnak ere. Argi utzi nahi dugu, gertakizun honek ez duela inolaz gure eguneroko lana baldintzatuko, autogestioaren bidean lanean jarraituko dugula. Halaber berria medioen bidez jaso behar izateak eta udaltzaingoaren informazio eza salatu nahi dugu.

GAZTETXEKO GAZTE ASANBLADA"

Espainiar gobernuak NBE-an Sahara herriaren deskolonizazioaren aldeko bozketan abstentzioa

2006-10-19T12:08:00.000+02:00

La Republica-n (erdaraz) irakur daitekeen moduan, pasadan ostiralean Nazio Batuen Erakundeak Sahara eta Marokoren arteko gatazka konpontzeko erresoluzioa bozkatu zuen, printzipioz bi aldeek berresteko modukoa, eta Espainiako gobernuak, Sahara herria Maroko aurretik kolonizatu zuen herriaren gobernuak eta bere askapenerako laguntza emango zuela esan zuenak hain zuzen ere, etzuen aldeko botorik eman, horren ordez absentzioa eman zuen.

Oso erreza da prentsa aurrean behar beste laguntza emango duela esatea bai, baino benetan lagundu behar denean argi ikusten da boteretsuaren alde jartzea askoz komenigarriagoa dela, Venezuela edo Guatemala NBE-aren kontseiluan sartzeko bozketetan gertatu den moduan.

P.D.: Sahara herriarekiko elkartasunaren koordinazioaren 32. Europear Konferentzia Gasteizen ospatuko da laster eta ekintza programa zabal bat prestatu da, anima zaitezte eta parte hartu!

Blogosfera

2006-10-17T17:17:00.000+02:00

Mauro Entrialgo komikigile gasteiztarrak El Jueves aldizkarian blogosfera inguruan egindako lana (erdaraz) igotzen det hona (TMEO-an ere publikatzen du sarritan), berak blogetan jartzeko baimena eman du eta, XD.

Lehenengo komikia eta bigarrena

NASA World Wind

2006-10-10T21:16:00.000+02:00

Atzo foroetan nabigatzen Google Earth moduko aplikazio hauxe topatu nuen. Erliebeak izugarriak dira, eguneroko eguraldiko argazkiak ikus daitezke bertan, edota hurakan baten argazki metereologikoa, beste askoren artean. Interneteko konexio onarekin soilik erabil daiteke, ezaugarri denak ez dira onak izango, eta ez det uste Google Earth-ekin egin daitezkeen gauzetatik aparte gauza erabilgarri handirik egin daitekeen, bino mundu begiratzen denbora galtzea gustatzen bazaizu aplikazio honek modu zientifiko batetan egiteko aukera emango dizu. Egin klik hemen aplikazioaren webgunera juteko.

Anna Politkovskaya

2006-10-08T18:35:00.000+02:00

Orain dela bi urte, Anna Politkovskaya-k, The Guardian egunkarian zera idatzi zuen: "Amildegi sobietikoan behera jausten gabiltza berriz ere, gure ezjakintasunaren ondoriozko heriotzan, hutsune informatiboa dela eta. Internet besterik etzaigu geratzen, bertan oraindik informazioa libreki zabal daiteke eta. Beste guztiari dagokionez, kazetari gisa lanean jarraitu nahi izan ezkero behintzat, Putin-entzako zurikeriaz egin beharko dezu lan. Bestela heriotza zai eukiko dezu, bala, pozoina edota prozesu judizial baten ondorioz, Putin txakur zaintzaileak diren gure zerbitzu espezialei hobeto iruditzen zaien modura ", Beslan-eri buruzko artikulu batetan eta bertan zerbitzu espezialek pozoinez erahiltzeko ahaleginari buruz idazten ari zela.

Atzo, 2006ko Urriak 7, bere etxeko igogailuan erahil zuten.

Mezularia erahiltzeko gai dira, bino ez dute mezua ixilduko.

Euskararen lurraldea Internet-en

2006-10-06T20:18:00.000+02:00

Geu Gasteiz aldizkarian irakurri berri dut Iratxe Esnaolak estreinakoz Gara egunkarian (2006-08-12) argitaraturiko artikulu interesgarri bat euskarak eta euskaldunok Interneten topatu behar dugun eta topatzen ari garen lekuaren inguruan ari dena. Besteen artean, .EUS Interneteko domeinu baten beharra ikusten du Iratxek, eta nere ustez arrazoirik etzaio falta, euskal kultura eta euskal nortasuna Interneten bultzatuko dituen eremua oso interesgarria baita.

Zailtasunak daudela domeinua lortzeko? Noski, betiko moduan; besteak beste milioi bat hiztun egiaztatu behar dira ICANN-ren aurrean, 45000 $ elkartu behar da eta .EUS domeinu hau kudeatuko lukeen erakunde bat proposatu (aurretik ere sortu beharko da, nik dakidala behintzat ez baita horrelakorik existitzen egun).

Beraz, badago lana oraindik, baina hasi eta hazten ari den Web 2.0 honetan euskaldunon leku topatzeko bultzada handi bat suposatuko lukeenez gero honetan dihardutea merezi duela argi daukat.

Software librea Administrazio Publikoan

2006-10-06T14:11:00.000+02:00

Barrapunto webgunean irakur daitekeenez (eta aurreko berri baten harira) Hispalinux elkarteak gutun ireki bat (pdf) bidali dio Estatu Espainiarreko Administrazio Publikoetako ministroari bertan Software librea bultzatu dadin, gure gizarte hontan ezagutza librea zabaldu dadin eta utopiaz ari ez direla ulertarazteko hainbat kasu jartzen dituzte. Software librearen filosofiari ere birpaso bat ematen dio, eta une hontan software librera migratzeko aukera estrategikoa dagoela argumentatzen dute ere.

Arabako Foru Aldundian behintzat, nik ezagutzen dudan kasua da, asko dago egiteko: produkzioan "Windows XP Professional + Microsoft Office + Internet Explorer" pack basikoa erabiltzeaz gain (ez ditut lizentziapeko bestelako aplikazioak zenbatzen hasiko...) euren atzetik ere (eta bertorako diseinaturiko aplikazio espezifikoen atzetik ere, noski) Microsoft-en software pribatiboan oinarrituriko infraestruktura dago (Microsoft Windows 2003 Server Active Directory, IIS, MS Exchange, MS SQL Server, MS Visual Studio, .NET, ASP, ez det jarraituko, ezta?).

Erabiltzaileentzat sistema eragilea GNU/Linux-eko distro batetaz aldatzea bortitzegia litzatekeen arren, eurentzako ez legoke hainbesteko aldaketarik egongo IE-ren ordez Firefox erabiliko balute edota MS Office-en ordez OpenOffice erabili ezkero, baina batez ere infraestruktura arloan aldaketa bat oso gomendagarria litzateke (informatikan dihardugunok migrazioak askoz hobeto bereganatzen ditugu, ze erremedio!), horren bitartez lizentziatan aurreztutako dirutzan bakarrik pentsatuko balute ere...

Bakoitzak bere etxean egin dezala nahi duena eta lizentziatan dirua gastatzea nahi izan ezkero egin dezala, bino Administrazioan guztion diruarekin horrelakorik egitea ez det oso ondo ulertzen, egia esan.

Free Hugs

2006-10-05T19:16:00.000+02:00

Askotan besarkada bat oso lagungarri izan daiteke, besarkada emailea ezezaguna izanda ere...

Antibirus baten bizitza gogorra (erdaraz)

2006-10-01T23:27:00.000+02:00

Firefox 2.0 RC-1 prest!

2006-09-28T15:02:00.000+02:00

Orain dela bi aste komentatu genuen moduan Firefox nabigatzailearen 2.0 bertsio hautagaia ateratzear zegoen, eta deskargatzeko prest dago jada Barrapunto-n irakurri dudan moduan. Euskarazko Windowsentzako bertsioa jeisteko egizue klik hemen, bestelako bertsioren bat jeisteko ordea hemen dauzkazue.

Nik oraindik ez det frogatzeko aukerarik izan, bino nahiko hobekuntza baditu aurreko bertsioekin alderatuta. Software librea da, doan eta euskaraz!

Googleen urtebetetzea

2006-09-27T12:19:00.000+02:00

Google-en bertan ikus daitekeenez gaur web bilatzailerik ezagunenak 8 urte bete ditu gaur. Horretaz ohartzean sinesgaitza iruditu zait hain denbora gutxi pasatu izana, betidanik balego bezala iruditzen zait eta. Gaur egun bilatzaileaz gain web aplikazio pilo kudeatzen ditu Google-ek (Gmail, Blogger, Google Earth, Google Video, Google AdSense, Google Desktop, Google Maps,... eta hainbat gehiago!!).

Ea aurrerantzean bide honetatik jarraitzen duen eta ideia onak garatu eta argitara ematen duten. Zorionak!

Euskaldunak Interneten

2006-09-22T18:54:00.000+02:00

Ba al dakizue zenbat garen Interneten euskara erabiltzen dugunon kopurua? Sustatu.com webgunean irakur daitekenez, EUSTAT-en azken inkestaren arabera 166.100 gara, EAE-an guztira 755.100 internauta dagoelarik, euskaraz dihardutenen kopurua beraz ez da %22ra iristen. Argi dago euskaldunak portzentai hori gainditzen dutela, bino Internet-en ez dutela erabiltzen. Guztiok geure aldetik jarri behar degu euskara gaur egungo baliabideetan bultzatzeko. Horretarako pausotxo bat nabigatzailea euskaraz konfiguratzea izan daiteke, informazioa euskaraz eskeintzen duten webguneetan euskaraz agertzeko.

Inurriak pausoak zenbatzen dakite

2006-09-18T09:30:00.000+02:00

Barrapunto-n topatu dudan link honetan (gazteleraz) ikus daitekeenez, inurriek pausoak zenbatzeko gaitusuna dute, esperimentu zientifiko nahiko basati baten bitartez baieztatu zen moduan (gutxienez XX.mendeko hasierako esperimentua omen da); barne-podometro honi eta eguzkiaren posizioari (distantzia eta norabide+norantza) esker basamortuko unirri hauek etxera bueltatzeko gai dira. Benetan harrigarria animaliek dauzkaten gaitasunak. Gizakia desertutik denboratxo bat ibili ondoren leku berdinera bueltatzeko gai izango ote zan pauso zenbaketaz bakarrik baliatuz?

Garoñako zentral nuklearraren bukaera

2006-09-17T20:46:00.000+02:00

Espainiako gobernuak ez du 2009an bukatzen den Garoñako zentralaren jarduera-baimena berritu, eitb24.com webgunean irakurri daitekeenez (hauek era berean El Pais egunkariaren berria honetan oinarritzen dira). Erabaki hau ez da Euskal Herritik hurbilen dagoen zentral honetara mugatzen, gobernuak 40 urtetan finkatu baitu estatuko zentral nuklearren bizi-muga, eta Garoñakoa zentral zaharrena izateagatik itxiko den lehena besterik ez da izango.

Argi dago oso berri ona dela hau aspaldi hontan zentral zaharkitu honek sortutako arazoak gero eta gehiago eta kezkagarriagoak zirelako (erreaktorean pitzadurak daude, behar baino gehiago berotzeagatik udara hontan ajrduerak gelditu behar izan ziren,...), baina zentralak ixteak arazo berri bat suposatzen du: orain arte zentraletan bertan gordetako ondakin erradiaktiboak pilatzeko leku bat topatzea; printzipioz gobernua arduratuko da biltegia eraikitzeaz (zentral guztientzako biltegi bateratu bakarra egiteko asmoa dute), arazoa inork bere ondoan biltegia eraikitzerik ez duela nahi izango da.

Firefox 2.0 euskaraz

2006-09-15T13:24:00.000+02:00

Zabaldu.com portalean irakurri dudanez ateratzear dagoen Firefox nabigatzailearen 2.0 bertsioa erraz euskaratzeko epea astelehenean bukatzen da, lehen "hautagai bertsioa" ateratzear dagoelako eta ordutik aurrera zailago izango baita. Librezale.org-ko foroetako link honetan Firefox 2.0-aren aurrebertsioa jeisteko aukera daukazue (klik egin hemen Windows-eko bertsioa jeisteko), asteburu honetan frogatu eta hizkuntz akatsak topatu ezkero bertan abisatzeko. Guztion onerako denez, guztiok jarri beharko genuke geure aldetik.

2006/09/16_21:40 Edizioa: Firefox nabigatzailearentzako Euskalbar tresnabarra topatu dut Internet Euskadi webgunean. Tresna honek euskara-gaztelera eta gaztelera-euskara itzulpenak modu azkar batetan egiteko aukera ematen digu Interneten dauden hiztegi ofizialak kontsultatuz. Benetan erabilgarria Interneten mundu globalizatu honetan euskara erabiltzen dugunentzako.

Aita Santua vs. Eboluzionismoa

2006-09-13T14:16:00.000+02:00

Gaur egunkarietan argitaratu da Benedikto XVI.ak eboluzionismoaren irrazionaltasunaren inguruko deklarazioak, hona hemen esandarakoaren zati batzuk:

- "Ilumismotik, zientziaren alde bat, behintzat, etengabe ari da mundu bat azaltzen, non Jainkoa ezdeus izango den. Horrela, alferreko zer edo zer izango litzateke gure bizitzarentzat. Baina hori lortu dutela ematen duen bakoitzean errealitatea agerikoa da. Jainkoa gabe, kontuak ez dira ateratzen gizakiarentzat, munduarentzat eta unibertsoarentzat

(Jarraitzen du)"

- Bere ustez , sorreraren atzean bi erantzun besterik ez dago: "Arrazoizko sorrera, espirituak dena egiten du eta garapena sustatzen du" edo beste bat nun "irrazionaltasunak matematikoki ordenatutako kosmos osoa arrazoirik gabe sortzen duena, baita gizakia eta arrazoia ere"; bigarren aukera hau garapenaren ezusteko ondorio omen da berarentzat, "funtsean guztiz irrazionala"

- "Egungo ateismoa gizakiak Jainkoari dion beldurretik dator"

Ez dago honen inguruko komentariorik egiteko beharrik, paradoxa baita erlijioa dogmatzat duenak zientzia irrazionaltzat hartzea... gutxienez XXI.mendean. Monologoren batetan kontaturikoa izango balitz gutxienez grazia eukiko zuen...

P.D.: Horren inguruan Barrapunto-n link interesgarri bat topatu det, samurai itxura duten karramarroen garapenaren historiarena hain zuzen ere, eboluzioa espezieek eurek aparte inguruko faktoreek ere eragin dezaketela erakutsiz. Normalean, arazo baten arrazoiak bilatzerako orduan, arrazoirik errezena da ziuraski arrazoi zuzena

Futurama eta matematika

2006-09-11T13:18:00.000+02:00

Barrapunto-n irakurri dudan moduan, Futurama marrazki bizidunen telesaian agertzen diren hainbat zenbaki ez dira aleatorioki hartu, gehienek esanahi matematikoa daukate, benetan datu freakie-ak danak, link honetan ikus daitekeenez. Hauek dira horretariko batzuk:

- Fry 2000 urteko urtarrilak 1ean izoztu zen, 0:00 ordutan. 1000 urtez izoztuta egon zenez, urteak gregoriarrak direla kontutan hartuta (eta beraz batazbeste 365'2425 egun dituztela), 2999. urteko abenduak 31ren eguerdiko 12etan urtu beharko lizateke, eta horrela agertzen da (ordua zehazten ez bada ere) telesailan. Eta hori ez da dena, egun hori asteartea izango da kalkuluak egin ezkero, eta Bender-ek Fry museora eramaten du astearteetan doan delako!

- Fry urtzean 2000. urtean zuen kontu korronteko 93 dolar zentimoek emandako interesak jasotzera doanean, 4300 milioi dolar ematen dizkiote (milioi amerikarrak), eta 2,25% interesek 1000 urtetan ematen duten dirua 4283508449,71 dolar dira, biribilduz 4300 milioi!

(Jarraitzen du)
- Beste kapitulu batetan ispilu batetan odolez 1010011010 zenbakia agertzen da idatzita, hain zuzen ere deabruaren zenbakia bitarretan: 666!!!

Horren inguruan ere deabru-robotaren kotxearen matrikula aipatu daiteke, 0110-0110-0110, hau ere 6-6-6 baita zenbaki bitarretan!

- Azkenik zaldi lasterketa bat aipatuko det, nun irabazleak partikula gutxi batzuetaz irabazten duen. Hori dela eta, Farnsworth doktoreak kexu agertzen da, emaitza modifikatu delakoan neurtu izanagatik, Heisenberg-en ziurgabetasunaren printzipioak dioen bezala, eta etzaio arrazoirik falta!

Esan bezala hamen horrelako hainbat bitxikeri irakurri ditzakezue, disfruta itzazue!

LEGO-z eginda ate logikoak

2006-09-06T23:47:00.000+02:00

Internet-etik nabigatzen Sistema Digitalen unibertsitateko klaseak gogoratu ditut web orri hau topatu dudanean, non Gotzon Arregi Eskolako irakasle mitikoak bere era berezian honelako gauzak irakasten zituen, hala nola NOT ateak,

AND ateak,

OR ateak

(Jarraitzen du)

XOR ateak

eta oraindik gehiago zaildu daiteke asuntoa...

Flip-Flop Latch-ak

Erlojua logikoa

eta batukari logikoa!!

Bai, nahiko post freakie-a hauxe, badakit.

Pearl Jam ARF-ean

2006-09-05T23:02:00.000+02:00

Bada garaia zapatuko Azkena Rock Festival jaialdiaren kontzertuei buruz hitzegiteko. Harritu egin nau, aurten ARF-era joan naizen lehen aldia izanda, antolaketa ona izateagatik. Jende kopuru horiekin mugituta, diru kopuru handiekin alegia, normalean zerbitzuak gutxiegi izaten dira, bino oraingo hontan komunak, edariak, janariak, e.a.

Kontzertuek ere oso maila altua eman zuten, orokorrean, eta bereziki gustatu zitzaizkidanak niretzat ordurarte ezezagunak izateagatik Supagroup eta My Morning Jacket izan ziren.

Berri Txarrak taldekoek ez zuten euren bizitzako kontzertu egin, ordubete besterik ez zuten izan eta nere ustez etzuten erakutsi euren setlist bortitzena; dena den, aurreko egunean Munich-en jo ondoren etorri ziren Gasteiza eta abesti artean denborarik euki gabe ezin daiteke denbora guztian topera egon (egun bat deskantsatu ondoren berriz Frankfurt-era joandakoak izango dira jada Rise Against-ekin ari diren birako hurrengo kontzertuan jotzeko), bino halere itxuroso agertu ziren eta zapore ona utzi zuten jendearen artean.

(Jarraitzen du)

Eta azkenik Pearl Jam. Gaueko kontzertu handiena entzun orduko zortzi ordu kontzertu generamatzan gorputzean, bino halere gogoz hartu genuen. Eta taldeak etzuen huts egin: bi orduz gorako kontzertua eman zuten musikan dirauen grunge motako talderik handienak, era guztietako eta euren ibilbide musikaleko momentu guztietako abestiei birpasoa emanez eta jendea irabaziz. Kontzertuaren bisetan bi sorpresa euki genituen, alde batetik Ramones talde mitikoaren "I believe in miracles" abestiaren bertsioa eta bestetik Neil Young-en "Rockin´ in a free world" abesti mitikoarena.

Ziuraski fama mundialeko taldeek diru gehiegi irabaziko dute musikari esker, bino gutxi batzuek kontzertuetan dena ematen dute eta ez dute inori huts egiten, eta hauen artean Pearl Jam sartu behar dela uste dut zapatuaz geroztik.

Robotak ala gizakiak??

2006-08-31T14:59:00.000+02:00

Oraindik Adimen Artifizialaren bitartez robotak gizakien jokaerak lortzea nahiko urrun egon arren, badira itxuraz nahiko landuak dauden robotak, aurpegiko espresioak eta guzti!

Xataka-n ikusitako bideoa.

Zertara iritsiko gara?

2006-08-31T14:31:00.000+02:00

Guztiengatik ezaguna da bankuek edozein zerbitzuren aitzakiz kobratzeko ohitura, baina hauxe gehiegizkoa da: email bat bidaltzeagatik kobratzen dute!! Microsiervos-en irakurri dudan moduan, La Caixa-k 0.17€ kobratzen du transakzio baten jasotzaileari abixua e-mail bitartez bidaltzearen aukera aktibatuz gero, berez transakzioa egiteagatik kobratzen duen komisioari gehitu beharko duguna, noski.

Transakzioen web aplikazioak automatikoki email-ak bidaltze gai denez, zein izango da 0.17€ horietatik gastuetan galtzen dituena? Argi dago, ezta?

Torpark

2006-08-31T14:14:00.000+02:00

Interneten nabigatzeko problemak dituzu? Web orrialde batzuk ikusterik ez duzu lanean edota ziber batetan? Internet Explorer bitartez nabigatzera behartuta zaude bestelakorik instalatzeko baimenik ez duzulako? Arazo guzti hauek eta gehiago konpontzeko Torpark nabigatzailea daukazue; Portable Firefox-en oinarrituta dago eta ondorioz ez dago instalatzeko beharrik (USB pendrive batetan eraman dezakezue eta edozein ordenagailutan zuzenean erabili), eta gainera datu guztiak enkriptaturik bidaltzen dituenez edukien kontrolerako serbidoreek ez daukate zure nabigazioa oztopatzerik, ez eta nundik nabigatzen duzun jakin ere. Nabigatzaile honen beste aplikazio bat Wifi konexioaz kobratzen duten ziberretan debalde nabigatzeko aukera omen da, baina hauxe ez det konpobatu.

Nabigatzaile jeisteko lekua bere web ofiziala da.

Azkena Rock Festival

2006-08-30T22:02:00.000+02:00

Bihar Azkena Rock Festival jaialdia hasiko da, eta larunbata noiz iritsiko zai nago urtebetetzean Pearl Jam ikusteko sarrera oparitu zidatenetik. Egun horretan Berri Txarrak ere jotzen dute, besteak beste.

Hurrengo astean bizitakoaren berri emango det, hauek gogooak hauek!!

Fito-k Extremoren Deltoya abestiaren bertsioa egingo du hurrengo diskan!

2006-08-30T21:54:00.000+02:00

Abuztuaren 20an Berrian agertutako elkarrizketa batetan irakurri nuen moduan (zati bat eta bestea), Fito&Fitipaldis datorren hilabeteko 11an kaleratuko duen diskan Extremoren Deltoya abesti mitikoaren bertsioa egingo du, Boogie erritmo batekin. Ikustekoa izango da gutxienez.

Hamen elkarrizketaren gaztelaniazko itzulpena daukazue.

Lehenengo post-a!

2006-08-30T21:13:00.000+02:00

Aupa!

Hauxe da blog berri hontan idazten dudan lehenengo komentarioa, eta oraindik frogak egiteko den arren hartu ezazue ongi etorri baten moduan. Laster arte!